Meritat e grave të Profetit për njerëzimin.

Bashkëshortet e Profetit Muhamed (s.a.u.s) kanë virtyte të larta, vlera të mëdha dhe merita të shumta: Po përmendim disa prej tyre:

1-    Ato janë nënat e besimtarëve, sikurse e thotë Allahu i Lartësuar në Kur’an (El Ahzab: 6). Këtë pozitë të lartë ato e fituan për arsye të martesës me Profetin (s.a.u.s.).

2-    Ato kanë dhënë për të gjithë besimtarët dhe besimtaret shembullin më të mirë të jetës bashkëshortore dhe familjare.

3-    Ato kanë pasqyruar e përcjellë për Ymetin sjelljen bashkëshortore të Profetit (s.a.u.s.). Dihet që Profeti Muhamed (s.a.u.s.) është shembull për njerëzit në të gjitha aspektet e jetës.

4-    Bashkëshortet e Profetit (s.a.u.s.) kanë transmetuar një numër të konsiderueshëm hadithesh nga i Dërguari i Allahut. Vetëm Aishja (r.a.) ka transmetuar 1210 hadithe. Në saje të martesës me Profetin (s.a.u.s.), ajo arriti të bëhej gruaja më e ditur e Ymetit islam. Kështu, nënat e besimtarëve kanë përcjellë për Ymetin një pjesë të dijes së profetësisë.

Përgatiti: Ismail Bardhoshi